About Us

Konseho Maneho pa Grandinan ta un fundashon ku tin komo meta pa duna sostén i konseho pa un maneho na fabor di hendenan grandi di Kòrsou. Nos ta duna konseho na instansianan di gobièrnu i na otronan ku ta traha riba tereno di bienestar i di kuido pa hende grandi. Tambe nos ke yuda personanan ku ta buska yudansa den sierto nesesidatnan ora bira grandi. Pa medio di nos wèpsait nos ta mustra kaminda na personanan di edat i nan famía ku mester di sostén pa yega na instansianan ku ta yuda riba varios tereno.

E espektativa di bida na nos isla ta subi i ta oumentando ketu bai. Kemen ku den futuro e envehesimentu di nos poblashon lo sigui. Ta pesey na Kòrsou tin mas hende grandi ku tin hende hoben. E datonan ku Konseho Maneho pa Grandinan ta kompilá i publiká ta ilustrá e kambio den nos demografía i e konsekuensianan ku esaki tin pa nos komunidat.